Depués de que los conceyos d’Illás, Colunga y Sotu’l Barcu protagonizaren episodios de discriminación llingüística, agora ye’l de Casu el que refuga un escritu por tar n’asturianu
El Conceyu de Casu vien d’informar a un vecín de que l’escritu remitíu a esti organismu con fecha del 28 de febreru nun ye almitíu como válidu. En nidia amuesa del desconocimientu de la llegalidá pola que tien de rexise, Miguel Ángel Fernández Iglesias, alcalde de Casu, nun alega que nun te escrito en llingua oficial, sinón que de frente refuga la so validez “por tar escrito n’idioma distintu del castellán”, discriminando non solo al asturianu, sinón a les otres llingües oficiales del estáu.
La Llei 1/1998, de 23 de marzu, d’usu y promoción del bable asturianu, ye una llei vixente que regula los drechos de los ciudadanos a utilizar l’asturianu y l’obligación de l’alministración a faer qu’estos drechos se cumplan. Foi aprobada pola Xunta Xeneral del Principáu d’Asturies y espublizada el 23 de marzu de 1998. Nel so Capítulu II, artículu cuartu, recuéyese’l drechu a utilizar l’asturianu en comunicación oral o escrita cola alministración pública.Van 26 años dende que s’aprobó esa llei y sicasí son munchos quienes la desconocen… o quisieren desconocela y a cencielles, nun l’apliquen.
Cabe destacar que Fernández Iglesias ye alcalde pol PSOE, partíu que teóricamente -y tres décades de represión llingüística- quier anunciase comu favoratible a la llingua asturiana y a la oficialidá.
Llucía Fernández Marqués
This work is licensed under a Creative Commons Attribution 4.0 International License.
