Dende la plataforma Salvemos Peñamayor, que pretende aparar el proyectu d’investigación minera que se ta desendolcando na sierra de Peñamayor -conocíu comu Astur A- afalen a los participantes na carrera de montaña que pasa pela zona a participar na campaña de denuncia
Esti domingu 16 de marzo cellébrase una carrera de montaña que trescurre durante cuasi tol percorríu pel interior del permisu d’investigación minera Astur A., un proyeutu qu’afeuta a los conceyos de Nava, Llaviana, Piloña y Bimenes, poniendo en pelligru el so padremuñu humanu y natural.
Desde la Plataforma vecinal Salvemos Peñamayor, qu’agrupa vecinos de los 4 conceyos afectaos, tan intentando facer llegar a corredores d’esta carrera información sobro’l pelligru que carez esta sierra, convidándolos a sofitar la campaña dando-y visibilidá ya seya usando una de les camisetes técniques de la plataforma na carrera, llevando pegadielles na ropa o subiendo semeyes a redes sociales col hashtag #salvemospeñamayor.
Tamién se yos encamienta esparder la campaña pente otros clus y esportistes.
El sábadu 15 pela tardi ya’l domingu 16 durante la carrera tarán en Nava repartiendo materiales y dando visibilidá a la campaña.
Llucía F. Marqués
This work is licensed under a Creative Commons Attribution 4.0 International License.
