La Serrana (Avilés) vien d’acoyer la presentación de la nueva obra del autor ayerán
Dolfo Camilo Díaz, escritor y xefe de Cultura del conceyu Corvera, vien de presentar la obra ‘Estraños’, una xunión de teatru y novela cola que fae, según pallabres del autor, un ‘homenaxe perversu’ a la novela de Patricia Highsmith; nella, dos collacios alcuéntrense depués de muncho tiempu nun tren y tres llargu alderique alcuerden un plan pa lliberase pa siempres de les sos respeutives pareyes.
La obra, asoleyada pola editorial Trabe, destaca pol so erotismu ya’l mordaz sentíu del humor que carauteriza a esti autor, que ganó coles sos obres dellos de los premios más prestixosos de la lliteratura asturiana,
Esta ye la segunda obra presentada pol prolíficu autor no que va d’añu, depués de la presentación a finales de xineru d’esti mesmu añu de la versión impresa de la so obra de teatru musical ‘Flashback’, ganadora del premiu Pachín de Melás 2023, una comedia na que’l protagonista ye un ex líder mineru venciu pola corrupción.
Susana Sela
This work is licensed under a Creative Commons Attribution 4.0 International License.
