La mayor compañía papelera de Portugal tramita llantar ocalitos nos montes asturianos quemaos
Navigator, la empresa papelera portuguesa seriamente afeutada poles llendes a l’ampliación de los cultivos d’ocalitales en so país depués de los llaceriosos incendios de va unos años, apunta a Asturies como destín.
Con un gobiernu más feble que’l portugués y más sensible a les negociaciones col capital, Asturies ye una presa fácil pa estes grandes empreses, comu demuestra les continues concesiones a la papelera Ence.
Bosques do Atlántico, filial de Navigator, yá ta garrando posiciones nel occidente asturianu, xestionando dellos de los actuales ocalitales, pero non conformes con ello, tan en procesu de tramitar el llantáu de más ocalitos en superficies arrasaes poles foles de quemes, aparentemente intencionaes, de los dos caberos años.
Cuando se produxeron esos incendios delles organizaciones apuntaron a los ganaderos comu culpables de los mesmos, pero de fechu ellos foron unos de los grandes afeutaos, llegando a perder cuadres y propiedaes pol fuéu. Foi la sincronización de les quemes ya’l fechu de que les condiciones climátiques nun yeren tan estremes comu pa xustificar que’l monte prendiere solu lo que llevó a la conclusión de que foren intencionaes por daquién con interés económicu nesos tarrenes. Agora hai una empresa que demuestra ensin disimulu esi interés.
Llucía F. Marqués 
This work is licensed under a Creative Commons Attribution 4.0 International License.
