L’alcuentru va desendolcase los díes 4 y 5 d’abril nel Edificiu Históricu de la Universidá d’Uviéu col sotítulu ‘Un mundu enllenu de llingües: cómo combatir la discriminación llingüística’. Nesta ocasión, tratarán de visibilizar les dificultaes qu’atopen diferentes persones y distintos ámbitos al utilizar la llingua propia. Les inscripciones yá tan abiertes y puen facese nesti formulariu .

Demientres los dos díes que va durar esti foru, van participar dellos espertos en meses reondes, conferencies y charres. Tamién habrá un momentu pa facer alcordanza y homenaxe a toles persones que carecieron discriminación por falar asturianu.

Nel programa, qu’entá nun ta disponible, estrenaráse un documental pa camentar na presencia de la llingua asturiana nes escueles y los retos a los que s’enfrenta l’asignatura.

Susana Sela