Reclámense midies que lleven a tratar la vivienda como la necesidá básica que ye y non como un negociu
El sábadu cinco d’abril, a les doce y media, la Plaza l’Humedal, en Xixón, acoyerá’l manifestamientu pol drechu a una vivienda digno y accesible.
La vivienda ye un drechu básicu que tien de tar garantizáu, daqué bien lloñe de la realidá nuna Asturies na que’l coste l’arriendu supera’l 50% de los ingresos pa munches persones, algamando’l 100% pa otres, depués de la descomanada xubía carecía los caberos años, amparada nel espoxigue turísticu y la llegada de teletrabayadores dende zones más riques, si, pero tamién por mor de la especulación y l’arriquecimientu de fondos utres y rentistes ensin escrúpulos. Miles de persones ensin vivienda y decenes de miles de cases vacíes.
Pente les midies que desixen que se pongan darréu en marcha ta la baxada de los alquileres, la recuperación de les más de cien mil viviendes vacíes qu’hai agora mesmo n’Asutires, asina comu sacales de la SAREB, la illegalizacion de les empreses de desokupación, la prohibición de los desfiucios de families vulnerables, la espropiación de fondos utres y la fin de la represión al movimientu pro vivienda.
Nel Dos Santos
This work is licensed under a Creative Commons Attribution 4.0 International License.
