La Confederación Hidrográfica del Cantábricu vuelve sancionar a Asturquimia S.L. y el Conceyu de Sariegu polos arramaos que se realicen dende’l Polígonu Industrial de Santianes al río Nora, denunciaos pola Coordinadora Ecoloxista 

La Coordinadora Ecoloxista denunció repetidamente nos postreros 15 años nos arramaos nel poligono de Santianes de Molenes, que nun dispon de les necesaries instalaciones de control, depuración y evacuación y nel que nun se tomen midíes pa evitar la incorporación de productos residuales a la rede de pluviales qu’acaben nel ríu Nora, provocando la muerte de numberosos pexes.

Les sanciones nun consiguieron enagora faer que la situación ameyore, polo que la CEA reclama al Conceyu qu’adopte les midíes necesaries pa iguar d’una bones esti problema ambiental. “Tenemos de ser coscientes de la precariedá o inesistencia de recoyida y tratamientu de toles agües residuales nos munchos polígonos industriales, o nun tienen depuradora propia, o si tienen furrula mal, cuando lo fai. Y entrín y non, los daños ambientales yá tán fechos, dándose una degradación de la nuesa redolada natural, ca vegada más peligrosa” declaren dende la Coordinadora, qu’acusen a les autoridaes responsables de neglixencia y indolencia.

Susana Sela

This work is licensed under a Creative Commons Attribution 4.0 International License.