El Serviciu de Xestión Enerxética informa de la solicitú per parte de los promotores de la paralización de les autorizaciines alministratives de dellos proyectos de parques de bateríes d’almacenamientu
Los parques afectaos, que recibieren numberosos allegamientos per parte d’ecoloxistes y vecinos, son el de Romio, en Candamo y los de l’Argañosa nel conceyu d’Illas, el de Collera del conceyu de Ribesella y el de Villanueva y Vegalapiedra nel conceyu de Cangas.
Ye destacable que toes elles cuntaben yá colos correspondientes permisos d’accesu y drechos de conexón y autorización pa les correspondientes llínees.
Foi fundamental para’l refugu del promotor l’informe de la Comisión d’Urbanismu y Ordenación del Territoriu del Principáu d’Asturies (CUOTA). Sicasí, recuérdase que’l Principáu, al traviés de la Conseyería d’Ordenación del Territoriu, informó en xunetu del añu pasáu de la suspensión de les autorizaciones urbanístiques pa la instalación de parques de bateríes en suelu non urbanizable.
Los parques de bateríes que pel momentu se propunxeron n’Asturies son de distintos tamaños, dende los d’ún contenedor d’almacenamientu, a instalaciones qu’inclúin hasta 320 contenedores. Agora mesmu conocemos proyectos pa dellos conceyos asturianos como los de Salas, Salime, Siero (5 parques), Llanera (3), Mieres (4), Cangues, Uviéu (11), Avilés (3), Corvera (3), L.lena (3), Colunga, Villaviciosa (4), Soto Ribera, Regueres, Xixon (7), Candamo (3), Gozón (5), Piloña (3), Grau, Carreño (3), Cangas Llangréu, Ribedeva, Parres y Ribesella. Na so mayoría, alluguense sobro suelu agrícola, alteriando la coherencia visual de la redolada.
Susana Sela
This work is licensed under a Creative Commons Attribution 4.0 International License.
